អង្ករផ្កាម្លិះកម្ពុជាមានលក្ខណៈពិសេសដោយគ្រាប់អង្កររបស់វាមានប្រវែងវែងពិសេស និងមានសាច់ទន់ ដែលនាំឱ្យមានភាពស្រទន់ពេលចម្អិនរួច ព្រមទាំងមានក្លិនក្រអូបឈ្ងុយឆ្ងាញ់ និងពិសេសគួរឱ្យចាប់អារម្មណ៍។ អង្ករផ្កាម្លិះកម្ពុជាបានឈ្នះពានរង្វាន់កំពូលនៅក្នុងពិធីប្រគល់ពានរង្វាន់អង្ករអន្តរជាតិរយៈពេលបីឆ្នាំជាប់គ្នា! នៅឆ្នាំ២០១២ អង្ករនេះបានឈ្នះពានរង្វាន់កំពូលនៅក្នុងសន្និសីទអង្ករពិភពលោក Rice Trader នៅទីក្រុងបាលី ប្រទេសឥណ្ឌូនេស៊ីព្រមទាំងបានទទួលពានរង្វាន់រសជាតិល្អបំផុតនៅក្នុងព្រឹត្តិការណ៍ប្រកួតភ្លក្សរសជាតិអង្ករនៅក្នុងសន្និសីទអង្ករពិភពលោក Rice Traders នៅហុងកុង និងកម្ពុជា នៅឆ្នាំ២០១៣ និង២០១៤។